İranda İsrail kəşfiyyatına işləməkdə ittiham olunan 8 nəfər həbs edilib

İslam İnqilabı Keşikçiləri Korpusu (SEPAH) İsrail kəşfiyyat xidməti Mossada gizli obyektlərin koordinatlarını və yüksək rütbəli hərbçilər haqqında məlumatları ötürməyə cəhd göstərməkdə şübhəli bilinən 8 nəfəri həbs edib.

Boyukmillet.com xəbər verir ki, bu barədə “Tasnim” agentliyi SEPAH-ın bəyanatına istinadən məlumat yayıb.

Məlumata görə, saxlanılanlar İran-İsrail münaqişəsinin eskalasiyası dövründə İsrail xüsusi xidmət orqanlarına məlumat verməkdə ittiham olunurlar.

SEPAH-ın bəyanatında bildirilir ki, şübhəlilər Mossadda məsafədən xüsusi təlim keçiblər və planlarını həyata keçirməzdən əvvəl İranın şimal-şərqində saxlanılıblar.

Bundan əlavə, bildirilib ki, saxlanılanlardan bomba, partlayıcı maddələr və s. götürülüb.