Boyukmillet.com Biz yanmasaq vətən yanar
Azərbaycan Respublikasının Prezidenti yanında Gənclər Fondunun maliyyə dəstəyi ilə dekabrın 9-12-də Bakıda jurnalistlər üçün “Həyəcan siqnalı-2” layihəsi keçiriləcək.
AZƏRTAC xəbər verir ki, layihənin məqsədi gənc jurnalistlərin hərbi sahədə biliklərini artırmaq, hərbi gərginlik zamanı informasiyanın cəmiyyətə düzgün çatdırılmasına yardımçı olmaqdır.
Layihə çərçivəsində müxtəlif media orqanlarında fəaliyyət göstərən 25 gənc jurnalistin “Son dövrün ekstremal jurnalistika təcrübəsi”, “Müxbirin ekstremal şəraitdə davranış metodları”, “Müharibə jurnalistikasının qaydaları ilə bağlı nəzəri və praktik bilikləri” artırılacaq.
