Çərşənbə , 26 Yanvar 2022
Home » Dünya » İspaniya mətbuatı Azərbaycan ordusunun keçirdiyi hərbi təlimlərdən yazır

İspaniya mətbuatı Azərbaycan ordusunun keçirdiyi hərbi təlimlərdən yazır

İspaniyanın terra.es portalı “Azərbaycan Qarabağ cəbhəsi yaxınlığında böyük hərbi təlimlərə başlayıb” sərlövhəli yazı dərc edib.

Azərbaycanın rəsmi orqanlarına istinadən təlimlərə 60 min hərbçinin, 50-dən çox təyyarə və helikopterin, 150-dən artıq tank və zirehli texnikanın, 700-dək qurğu və sistemin cəlb olunduğu bildirilir.

Məqalədə deyilir ki, hərbi təlimlərin başlanması Azərbaycan Prezidenti İlham Əliyevin cəbhə xəttinə səfəri ilə üst-üstə düşüb.

Yazıda Ermənistan-Azərbaycan, Dağlıq Qarabağ münaqişəsinin tarixi haqqında qısa məlumat verilib, Ermənistanın Qarabağ və ətraf rayonları işğal altında saxlaması qeyd olunub.

 

AZƏRTAC

Check Also

Türkiyənin Samsun şəhərində 20 Yanvar faciəsinə həsr olunan anım mərasimi keçirilib

Türkiyənin Samsun 19 May Universitetində (Ondokuz Mayıs Üniversitesi) 20 Yanvar faciəsinin 32-ci ildönümünə həsr olunmuş …