Boyukmillet.com Biz yanmasaq vətən yanar
Çeçenistan rəhbəri Ramzan Kadırov növbəti dəfə respublikaya rəhbərlik etmək niyyətindədir.
Boyukmillet.com xəbər verir ki, bu barədə o, telegram kanalında yazıb. Mümkün istefası ilə bağlı yayılan xəbərlərə münasibət bildirən Kadırov heç kimin onun yerinə adam axtarmadığını vurğulayıb. O, respublikanın xeyri üçün bundan sonra da işləməyə hazır olduğunu deyib. Şayiələri “təxribatçılar”ın yaydığını və onların məqsədinin regionda sabitliyi pozmaq və Çeçenistan rəhbərliyini nüfuzdan salmaq olduğunu deyib.
Xatırladaq ki, iyulun 3-də Ramzan Kadırov məzuniyyətə getdiyini açıqlayıb. Onun səlahiyyətlərini baş nazir Müslüm Xuçiyev yerinə yetirir.
