Çərşənbə axşamı , 16 Aprel 2024
Drone Cameras

Lənkəran regional “ASAN xidmət” mərkəzində YAP ərazi partiya təşkilatı yaradılıb

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Lənkəran regional “ASAN xidmət” mərkəzində Yeni Azərbaycan Partiyası (YAP) ərazi partiya təşkilatının yaradılması ilə bağlı tədbir keçirilib.

Dövlət Agentliyinin sədr müavini Ceyhun Salmanov müstəqil Azərbaycanın qurulmasında Ümummilli lider Heydər Əliyevin əvəzsiz rolundan söz açıb, Prezident İlham Əliyev tərəfindən dövlətçilik strategiyasının uğurla davam etdirildiyini vurğulayıb. YAP ərazi ilk partiya təşkilatının yaradılması ilə bağlı təbriklərini çatdırıb və təşkilata gələcək fəaliyyətində uğurlar arzulayıb.

YAP Lənkəran şəhər təşkilatının sədri İqbal Əmənullayev qeyd edib ki, fəaliyyətində daim yenilənməyə, müasirləşməyə və təkmilləşməyə xüsusi önəm verən Yeni Azərbaycan Partiyası VII qurultayında qəbul etdiyi qərarlarla bir daha yenilikçi siyasi qüvvə olduğunu nümayiş etdirdi.

Tədbirdə təşkilatı məsələlərə baxılıb, ərazi partiya təşkilatının sədri və müavini seçilib.

Check Also

Dağıstan xalqını sürgündən xilas edən BÖYÜK AZƏRBAYCANLI – FOTOLAR

İstedadlı tədqiqatçımız, tariximizin bir çox  gizli məhcullarına gün işığı tutan Adıgözəl Məmmədovun “Böyük Azərbaycan naminə” …