Boyukmillet.com Biz yanmasaq vətən yanar
Zaqatala rayonunun Aşağı Tala kəndində yaşayan – Əmrah Ramazan Valeh oğlu həmin bölgənin əsl baş bəlasına çevrilib. Rayonda kübrə satışı ilə məşğul olan firmalardan birinin anbardarı kimi işləyən bu şəxs müxtəlif adlarla vətəndaşlardan aldığı məhsulların pulunu ödəmir və nəticədə onun külli miqdarda borcu yaranıb.
Bu şəxsin əməlləri ilə bağlı müvafiq hüquq-mühafizə orqanlarına çoxsaylı şikayətlər olsa da, onun məsuliyyətə cəlb etməkdən kimsə qoruyur. Bu adam hətta borclu olduğu şəxslərlə vəziyyətin gərginləşdiyini görəndən sonra, 2022-ci ildə ölkəni tərk edib. Xeyli müddət Türkiyə və Rusiyada yaşayandan sonra, yenidən rayona dönərək, öz işini davam etdirir.
Qeyd edək ki, bu şəxs Zaqatala Rayon İcra Hakimiyyətində rəhbər vəzifədə çalışan: Qazilov Valeh Abdulbaqi oğlunun övladıdır. Onun atasının Zaqatalanın icra başçısı “sağ əli” olduğu bildirilir. Ramazan Valeh oğlunun vətəndaşlara ödəməli olduğu məbləğin həcmi 100 minlərlə ölçülür.
Azinforum.az olaraq biz yazıda adları qeyd edilən: Əmran Ramazan və Qazilov Valehlə əlaqə saxlaya bilmədik. Səslənən fikirlərlə bağlı onların da mövqeyinə yer verməyə hazır olduğumuzu bildiririk. Qeyd edək ki, sözügedən şəxsdən hansı instansiyalara şikayətlərin edildiyi və şəxsin kimlərə borclu olduğunu təsdiq edən bir çox rəsmi dəlillər bizə təqdim edilib.
Çinarə SEYİDOVA,
Azinforum.az
