Çərşənbə axşamı , 18 Mart 2025
Drone Cameras

Özbəkistanın daha bir portalı erməni vandalizmini sübut edən fotoları yayıb

Özbəkistanın Ziyouz.uz portalı erməni vandalizmi ilə bağlı Azərbaycan Dövlət İnformasiya Agentliyinin (AZƏRTAC-ın) “Erməni vandalizmi fotolarda” sərlövhəli materialını özbək dilində yayıb. Fotoların da əks olunduğu materialda Ermənistan-Azərbaycan, Dağlıq Qarabağ münaqişəsi haqqında danışılır, Azərbaycan ərazisinin Ermənistan silahlı qüvvələri tərəfindən işğal edildiyi bildirilir.

Məqalədə qeyd olunur ki, ermənilər işğal etdikləri Azərbaycan ərazilərində tarixi abidələri, məscidləri, qəbiristanlıqları dağıdıb, şəhər və kəndləri xarabalığa çeviriblər. Bu, sözün əsl mənasında, vandalizmdir və bunun başqa adı yoxdur. Fotoşəkillər bunu əyani şəkildə sübut edir.

Fotolar Azərbaycanın işğal edilmiş müxtəlif ərazilərində – Dağlıq Qarabağda, Sədərək rayonunun Kərki, Zəngilan rayonunun Məmmədbəyli kəndlərində, Laçın və Kəlbəcər rayonlarında, Cəbrayıl rayonunun Xələfli və Qumlaq kəndlərində və s. yerlərdə çəkilib. Həmçinin Şuşa qalasının, Şuşa məscidinin, məşhur Gövhər Ağa məscidinin, Azərbaycan qəbiristanlıqlarının, o cümlədən Yerevan yaxınlığında Ağdədə qəbiristanlığının, Ağdamdakı Çay evinin və başqa yerlərin indiki vəziyyəti əks olunub.

Bildirilir ki, BMT Təhlükəsizlik Şurası ermənilərin işğal etdiyi Azərbaycan torpaqlarından çıxarılması ilə əlaqədar dörd qətnamə qəbul edib, ancaq bu sənədlər hələ də yerinə yetirilmir.

 

AZƏRTAC

Check Also

Azərbaycan Ordusunun mövqeləri atıcı silahlardan fasilələrlə atəşə tutulub

Martın 17-si saat 17:25-dən 21:45-dək Ermənistan silahlı qüvvələrinin bölmələri Qarakilsə rayonunun Saybalı, Çənbərək rayonunun Vaqan …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir