Boyukmillet.com Biz yanmasaq vətən yanar
Vaşinqton administrasiyası Tehranla təkcə İranın nüvə proqramını deyil, həm də raketlər də daxil olmaqla silahlarını müzakirə etməyin vacib olduğunu düşünür.
Boyukmillet.com xəbər verir ki, bunu ABŞ dövlət katibi Marko Rubio deyib: “İranın hazırda çox sayda ballistik raketi, xüsusən də qısa mənzilli ballistik raketləri var. Onların həmçinin gəmiçiliyi təhdid edən və ABŞ Hərbi Dəniz Qüvvələrini təhdid etməyə çalışan dəniz qüvvələri var. Nüvə proqramından əlavə, bu ənənəvi silahlara da malikdirlər”.
Rubio qeyd edib ki, 26 fevralda Cenevrədə keçirilməsi planlaşdırılan İran-ABŞ danışıqlarının növbəti mərhələsi “əsasən nüvə proqramına yönələcək”: “Lakin İranın bizimlə və ya başqa biri ilə ballistik raketlər haqqında danışmaqdan imtina etdiyini və bunun ciddi problem olduğunu da unutmamaq vacibdir”.
Rubio həmçinin İranın nüvə proqramının “elementlərini daim yenidən qurmağa çalışdığını” deyib: “Onlar hazırda özləri uranı zənginləşdirməyə çalışmırlar, amma nəticədə bunu edə biləcəklərini təmin etməyə çalışırlar”.
