Rusiya Ermənistanın nazirliyinin səlahiyyətini şübhə altına alıb

“Rosselxoznadzor”Ermənistan İqtisadiyyat Nazirliyinin səlahiyyətlərini şübhə altına alıb.

Boyukmillet.com TASS-a istinadla xəbər verir ki, Rusiyanın agentliyi hesab edir ki, nazirlik Ermənistanın Kənd Təsərrüfatı Nazirliyinin ləğvindən sonra onun üzərinə düşən vəzifələri yerinə yetirmir. Qurum bəyan edib ki, 2019-cu ildə hökumətin apardığı struktur islahatı nəticəsində Ermənistanda Kənd Təsərrüfatı Nazirliyi ləğv edilib və kənd təsərrüfatı sahəsində dövlət siyasəti məsələləri kənd təsərrüfatı siyasəti, aqrar emal, heyvandarlıq, baytarlıq təbabəti, heyvandarlıq məhsulları istehsalı, orqan təsərrüfatları, peyvəndlər, aqrotexniki təsərrüfat və kənd təsərrüfatı məhsulları istehsalına cavabdeh olan İqtisadiyyat Nazirliyinə verilib.

“Ermənistanın kənd təsərrüfatı məhsullarının əsas bazarının Rusiyada olduğunu və son vaxtlar Ermənistandan idxal olunan məhsulların Aİİ və Rusiyanın fitosanitar tələblərinə cavab vermədiyini nəzərə alsaq, Ermənistan İqtisadiyyat Nazirliyinin Kənd Təsərrüfatı Nazirliyinin ləğvindən sonra ona verilmiş səlahiyyətləri yerinə yetirmədiyini güman etmək olar”, – “Rosselxoznadzor” bildirib.