Boyukmillet.com Biz yanmasaq vətən yanar
Şotlandiyanın, Uelsin və Şimali İrlandiyanın birinci nazirləri Con Suini, Rhun ap İorvert və Mişel O’Nil Kardiffdə qarşılıqlı anlaşma memorandumu imzalayıblar.
Boyukmillet.com “Sky News”a istinadən xəbər verir ki, tərəflər bərpa olunan enerjinin inkişafı, daha güclü və ədalətli iqtisadiyyatın yaradılması, Avropa ilə münasibətlərin möhkəmləndirilməsi və hər bir xalqın öz gələcəyini müstəqil şəkildə müəyyən etmək hüququnun dəstəklənməsi də daxil olmaqla, ümumi maraq kəsb edən praktiki sahələrdə əməkdaşlıq edəcəklər.
Tərəflər hər bir millətin öz müqəddəratını təyinetmə hüququnu dəstəklədiklərini bəyan edib və iqtisadi və digər sahələrdə əməkdaşlıq barədə razılığa gəliblər.
Suini yaxın beş il ərzində Şotlandiyanın müstəqilliyi ilə bağlı yeni referendum keçirməyə çağırıb.
O’Nil Böyük Britaniya və İrlandiya hakimiyyətlərini sərhəd barədə referendumun tarixini 2030-cu ilə qədər təyin etməyə çağırıb.
İorvert bildirib ki, Uelsin müstəqilliyi məsələsi və onun həlli müddəti “Uels xalqının əlindədir”.
“Bütün tərəflər Böyük Britaniyanı hər bir yurisdiksiyada konstitusiya dəyişikliklərinə hazırlaşmağa, onları planlaşdırmağa və onlara dəstək olmağa çağırdı”, – qeyd olunub.
Suini Şotlandiyanın müstəqilliyini dəstəkləyən Şotlandiya Milli Partiyasını təmsil edir. İorvert Uelsin müstəqilliyini dəstəkləyən Uelsin “Plaid Cymru” partiyasına rəhbərlik edir. O’Nil Şimali İrlandiyanın birinci naziri və Şimali İrlandiyanın İrlandiya Respublikası ilə birləşməsini dəstəkləyən “Sinn Fein” partiyasının üzvüdür.
