Boyukmillet.com Biz yanmasaq vətən yanar
Tanzaniyada naməlum xəstəlik azı 15 nəfərin həyatına son qoyub.
Boyukmillet.com xəbər verir ki, bu barədə ölkənin səhiyyə sisteminin nümayəndələrinə istinadən “Anadolu” agentliyi bildirib.
Səhiyyə nümayəndələrinin sözlərinə görə, infeksiya qanla qusmaya səbəb olur. Artıq infeksiyaya yoluxmuş 50-dən çox pasiyent xəstəxanaya yerləşdirilib.
“Bu xəstəlik hələ geniş yayılmayıb, yalnız bir inzibati dairədə kütləvi yoluxma olub”, – Çunya dairəsinin baş həkimi Felista Kisandu deyib.
Onun sözlərinə görə, pasiyentlərin vəziyyətinin kliniki qiymətləndirilməsi və kütləvi yoluxmanın səbəblərinin araşdırılması üçün əraziyə tibbi ekspert qrupu ezam olunub.
Həkim qeyd edib ki, xəstələrin müxtəlif qan nümunələri civə izlərinin yoxlanılması üçün dövlət laboratoriyalarına göndərilib.
