Boyukmillet.com Biz yanmasaq vətən yanar
Bu gün 2016-cı ilin aprel döyüşlərində şəhid olan əsgərimiz Müşfiq Orucovun doğum günüdür.
Boyukmillet.com xəbər verir ki, Müşfiq Orucov 18 sentyabr 1994-cü ildə Bakıda anadan olub. Ailəsi Zəngilan rayonundan məcburi köçkündür. 7 saylı Zəngilan orta məktəbini bitirən Müşfiq yüksək bal toplayaraq Azərbaycan Texniki Universitetinə qəbul olub.
2015-ci ilin iyul ayında hərbi xidmətə yola düşən Müşfiq aprel döyüşləri zamanı qəhrəmancasına şəhid olub. Aprelin 5-də şəhid əsgərimiz böyük izdihamla Bakıda Dədə Qorqud qəbristanlığında dəfn edilib.
Şəhid Müşfiq Orucov ölümündən sonra “Vətən uğrunda” medalı ilə təltif olunub.
