Türkiyə PKK ilə mübarizə üçün İraqla birgə əməliyyat mərkəzi yaradacağına ümid edir

Ankara PKK terror təşkilatı ilə mübarizə üçün Bağdadla birgə əməliyyat mərkəzi yaratmağa ümid edir.

Boyukmillet.com-un məlumatına görə, bu barədə Türkiyə Müdafiə Nazirliyinin rəhbəri Yaşar Güler deyib.

“Biz 40 ildir PKK terror təşkilatı ilə mübarizə aparırıq, amma təəssüf ki, 40 il ərzində İraq rəhbərliyi onları nə terrorçu adlandırıb, nə də qadağan edə bilib. Bu təşkilat onların ölkəsindədir və onları o qədər də narahat etmir. Ötən ilin dekabrında Ankarada İraq nümayəndələri ilə görüşümüz zamanı məsələyə xüsusi diqqət yetirdik. Mart ayında Bağdada getdik və orada İraq rəhbərliyi ilk dəfə PKK-nın qadağan olunmuş və terror təşkilatı olduğunu qəbul etdi”, – nazir deyib.

Gülər ​​İraqın belə bir bəyanatının Türkiyəni çox sevindirdiyini vurğulayıb. “Ümid edirəm ki, indi birlikdə çalışacağıq və birgə əməliyyat mərkəzi yaradacağıq”.