Türkiyə və Britaniya qırıcıların tədarükü haqqında memorandum imzalayıb

Türkiyə və Böyük Britaniyanın müdafiə nazirləri Yaşar Güler və Con Hili “Eurofighter Typhoon” qırıcılarının Türkiyə Hərbi Hava Qüvvələrinin silahlanmasına qəbul edilməsi haqqında Anlaşma Memorandumu imzalayıblar.

Boyukmillet.com xəbər verir ki, bu barədə “TRT Haber” telekanalının məlumatında deyilir.

Bu sənəd ölkələr arasındakı münasibətləri rəsmi olaraq təsbit edir və onları tədarükə dair hərtərəfli saziş bağlamağa yaxınlaşdırır.

“Türkiyənin “Typhoon” operatoru kimi tanınması NATO-nun əsas müttəfiqləri arasında onilliklər boyunca inkişaf edən dostluq əlaqələrini daha da gücləndirəcək və Türkiyənin qabaqcıl döyüş imkanlarının artırılması yolunda mühüm addım olacaq”, – telekanal Y.Gülerdən sitat gətirir.