Boyukmillet.com Biz yanmasaq vətən yanar
Fevralın əvvəlində Ukrayna Silahlı Qüvvələrinin Baş Komandanı Aleksandr Sırski bildirib ki, cəbhənin bəzi hissələrində döyüş toqquşmalarının dörddə biri Ukrayna bölmələrinin hücum hərəkətləri nəticəsində baş verir.
Boyukmillet.com xəbər verir ki, onun sözlərinə görə, bu hücumlar rusları daim hazır vəziyyətdə saxlayır, itkilərə məruz qoyur və onların irəliləməsinin qarşısını alır.
“France24″ün xəbərinə görə, ötən həftə, fevralın 11-dən 15-dək Ukrayna ordusu “Starlink” terminallarının bağlanmasından istifadə edərək 201 kvadrat kilometr ərazini geri alıb.
Bu, demək olar ki, rusların dekabr ayında ələ keçirdiyi ərazi qədərdir və 2023-cü il əks-hücumundan bəri Ukrayna Silahlı Qüvvələrinin azad etdiyi ən böyük ərazidir.
“Ukraynanın əks-hücumları, ehtimal ki, Rusiya qoşunlarının “Starlink”ə girişinin son bloklanmasından istifadə edir. Rusiya hərbi ekspertlərinin fikrincə, bu, döyüş meydanında rabitə, komandanlıq və nəzarətdə ciddi problemlər yaradır”, – deyə Müharibə Tədqiqatları İnstitutu (ISW) şərh edib.
“France24″ün məlumatına əsasən, Ukrayna Silahlı Qüvvələri Zaporojyedən 80 kilometr şərqdə ərazini geri alıb. Burada, ehtimal ki, Huliaipole istiqamətində ruslar yaydan bəri müəyyən irəliləyişlər əldə edib. Lakin bu irəliləyiş hələ “DeepState”in interaktiv xəritəsində əks olunmayıb.
Xatırladaq ki, 4 fevralda cəbhədəki rus qoşunlarının bütün “Starlink” terminalları bağlanıb. Bunun nəticəsində Rusiya qoşunlarının komandanlıq və nəzarət sistemi ciddi problemlərlə üzləşib və hücum əməliyyatlarını müvəqqəti dayandırmaq məcburiyyətində qalıblar.
