Boyukmillet.com Biz yanmasaq vətən yanar
Milli Məclisin deputatı Günay Ağamalı uşaqpulu mövzusunun hazırda müzakirə edilmədiyini və buna ehtiyac da olmadığını bildirib.
Boyukmillet.com xəbər verir ki, deputat “Günə doğru” verilişində çıxışı zamanı hazırda ailələrə müxtəlif sosial müavinətlərin verildiyini xatırladıb və uşaqpulunun tətbiqinin bəzi mənfi nəticələrə səbəb ola biləcəyini deyib. Onun sözlərinə görə, bu cür sosial ödənişlər bəzi insanlarda işləmək həvəsini azalda bilər:
“Uşaqpulu məsələsi gündəliyə gələrsə və tətbiq olunarsa, heç düşünmüsünüzmü ki, bu, valideynlərdə müəyyən asılılıq və ya tənbəllik yarada bilər? Yəni insanlar fikirləşə bilərlər ki, dövlət mənə uşaqpulu verir, mən artıq işləməyim. Bu, doğru yanaşma deyil. İnsanları əməyə alışdırmaq lazımdır, onları nələrdənsə asılı vəziyyətə salacaq imkanlar yaradılmamalıdır. Amma dediyim kimi, hazırda digər ad altında sosial müavinətlər verilir və şərtlər də çətin deyil”.
