Boyukmillet.com Biz yanmasaq vətən yanar
Rio-de-Janeyroda keçirilən XV Yay Paralimpiya Oyunlarında 100 metr məsafəyə arxası üstə üsulu ilə üzmə yarışlarında iştirak edən azərbaycanlı üzgüçü Roman Saley gümüş medal qazanıb.
Trend-in məlumatına görə, R.Saley məsafəni 1:00,91 dəqiqəyə qət edərək ikinci olub.
Sentyabrın 18-dək davam edəcək Paralimpiya Oyunlarında Azərbaycanı 24 idmançı təmsil edəcək. İdmanın 6 – cüdo, atletika, pauerliftinq, üzgüçülük, güllə atıcılığı və kamandan oxatma növü üzrə mübarizəyə qoşulacaq paralimpiyaçılarımızın 6-sı qadın atletdir. Lisenziyaların sayı isə 41-dir. Bu göstərici “London-2012” ilə müqayisədə çoxdur.
Qeyd edək ki, son 4 il ərzində paralimpiyaçılarımız 64 qızıl, 57 gümüş, 40 bürünc olmaqla 161 medal qazanıblar.
