ABŞ ən güclü silahlarından Türkiyəyə satacaq? – Nazir şərtləri açıqladı

Türkiyə “S-400” zenit raket komplekslərini Rusiyaya geri qaytarmadığı müddətcə, ABŞ ona “Patriot” hava hücumundan müdafiə sistemləri satmayacaq.

Bu barədə ABŞ Müdafiə Nazirliyi (Pentaqon) informasiya yayıb.

Nazirliyin mətbuat katibi Conatan Hoffman media nümayəndələrinin suallarını cavablandırarkən Türkiyənin tələbi ilə bağlı bunları deyib: “Müdafiə naziri Mark Esperin məsələ ilə bağlı mövqeyi bəllidir. Türkiyə “S-400”ləri geri vermədiyi müddətdə “Patriot”a sahib ola bilməz”.

Qeyd edək ki, Rəcəb Tayyib Ərdoğan Brüssel səfərindən qayıdarkən jurnalistlərə verdiyi açıqlamada ABŞ-a “Patriot”larla bağlı təklif yolladıqlarını və bu sistemlərdən ala biləcəklərini demişdi. (publika.az)