Tramp İranda vurulan F-15E təyyarəsinin ikinci pilotunun xilas edilməsini təsdiqləyib

ABŞ Prezidenti Donald Tramp İran səmasında Amerikanın F-15E qırıcı təyyarəsinin ikinci heyət üzvünün xilas edilməsini təsdiqləyib.

Boyukmillet.com-un məlumatına görə, o, bu barədə “Truth Social”da bildirib.

“Biz ona çatdıq! Mən sizə onun sağ və sağlam olduğunu bildirməkdən çox məmnunam”, – Tramp yazıb.

Onun sözlərinə görə, ABŞ hərbçiləri pilotu təxliyə etmək üçün ən cəsarətli axtarış-xilasetmə əməliyyatlarından birini həyata keçirib. “Yaralandı, amma hər şey yaxşı olacaq”, – ABŞ Prezidenti əlavə edib.

Daha əvvəl “Axios” portalı pilotun təyyarə qəzasından bir neçə saat sonra xilas edildiyini bildirib.