Boyukmillet.com Biz yanmasaq vətən yanar
ABŞ-də saxlanılan azərbaycanlı alim Şövqi Hüseynov sərbəst buraxılıb.
O bu haqda feysbuk hesabında paylaşım edib:
“Bütün sənədlərim leqal və öz yerində olduğu üçün bu gün evimdəyəm. Minlərlə e-mail almışam. Hamınıza bir-bir təşəkkür edirəm”.
Xatırladaq ki, Baffalo Universitetində çalışan Ş. Hüseynov bir müddət əvvəl İmmiqrasiya və Gömrük Mühafizəsi Xidmətinin (ICE) Batavia şəhərindəki təcridxanasında saxlanılmışdı.
Professorun ölkədən deportasiya ediləcəyi gözləndiyi haqda xəbərlər yayılmışdı.
Onun saxlanılmasına səbəb olan hadisə isə yanvarın 7-də qeydə alınmışdı.
Belə ki, Ş.Hüseynov həmin gün avtomobillə Baffalo şəhərini Kanadanın Ontario şəhəri ilə birləşdirən Niaqara çayının üzərində yerləşən “Peace” körpüsünü keçib və səhvən Kanada ərazisinə daxil olub. Alim geri qayıdarkən ABŞ sərhədçiləri tərəfindən saxlanılıb.\\Milli.Az
