Boyukmillet.com Biz yanmasaq vətən yanar
ABŞ Kosmik Qüvvələri bir gün hərbi personalını kosmosa yerləşdirə bilər.
“Report” “RİA Novosti”yə istinadən xəbər verir ki, bu barədə ABŞ Kosmik Qüvvələrinin Kosmik Əməliyyatlar Komandanlığının rəhbəri general-mayor Con Şou bildirib.
“Nə vaxtsa, bəli, insanları kosmosa göndərəcəyik. Onlar hardasa Ay mühitində və ya başqa bir yerdə komanda mərkəzlərini idarə edə bilər”, – “Air Force Magazine” Şoudan sitat gətirib.
Qeyd edək ki, 2019-cu ilin dekabrında ABŞ-da Kosmik Qüvvələr yaradılıb və Con Reymond 2020-ci ilin yanvarında Kosmik Komandanlığın komandiri təyin edilib. Komandanlığın doktrinal sənədlərində, lazım gələrsə, ABŞ Kosmik Qüvvələrinin hücum əməliyyatları apara biləcəyi və Yerdə və kiberməkanda obyektlərə hücum edə biləcəyi bildirilir.
