Boyukmillet.com Biz yanmasaq vətən yanar
Öləndə məni çağır
Bir az oturub,gülək !
Bu vaxt bizi öldürür,
Biz də vaxtı öldürək !
Aparmağa yükün çox,
Qoy,bir az mən boşaldım !
Deməsinlər bu üzdən,
O,üzə çox daşıdın !
Nəyin var tök başından,
Boşalt qəlbini,bosal !
Ən gözəl şəkil seçək
O, nisyə mərmər daşa !
İstilər soyuq gəlir,
Yandır kağız şəklini !
Sonra nəvən cıranda,
Oğul kəsməsin əlin !
Öləndə məni çağır,
Tək yola salım səni !
Mən ölüm sən yerinə,
Qadoyu alım sənin !
***
Allah qapısın açmadı,
Könlümün qapısın açdım !
Çox çürümüş Adamların,
Içinin pasını açdım !
Hər gün yol gedən qəhərin,
Özüyçün doğan səhərin,
Kimdilər ?! Gizlədib bəli,
Kiməsə yarısın açdım !
Mənə,sənə dönmək üçün,
Ağlıma aldım bir ölçü !
Sirrini öyrənmək üçün,
Dünyanın yarasın açdım !
Söz haqqının yerin görüb,
Can,süfrədə yerin bilib !
Dünyanın əvvəllin görüb,
Qalana sonrasın açdım !
Adam–Mələk,söz də-çörək,
Yaradan-tək,yaranan–tək !
Mənim işim bitdi demək,
Ölümün qapısın açdım !
