Boyukmillet.com Biz yanmasaq vətən yanar
Nottingem Universitetinin Əczaçılıq və Kimya Mühəndisliyi Məktəbinin britaniyalı alimləri qan əsasında bədən toxumasının bərpası üçün yeni maddə hazırlayıblar.
Boyukmillet.com xəbər verir ki, tədqiqat “Advanced Materials” (AdvMat) elmi jurnalında dərc olunub.
Komanda üzvləri reqenerasiya zamanı baş verən əsas prosesləri istiqamətləndirə bilən peptid molekullarından istifadə edib. Bu bioloji mexanizmlərə reqenerativ hematomanın – makromolekullar və orqanizmdə zədələnmələrin bərpasına təkan verən hüceyrə amilləri olan mikromühitin yaradılması daxildir.
Mütəxəssislər özünü yığma metodologiyasını işləyib hazırlayıblar. O, sintetik peptidləri xəstənin tam qanı ilə birləşdirərək təbii müalicə prosesinin əsas molekullarından, hüceyrələrindən və mexanizmlərindən istifadə edən material yaradır.
Bu, nəinki təbii bərpaedici mühiti təqlid edə, həm də onun struktur və funksional xassələrini yaxşılaşdıra bilən reqenerativ materialların layihələndirilməsinə imkan verib.
Bu materiallar təbii reqenerativ hematomanın normal funksiyalarını qoruyaraq asanlıqla yığıla, manipulyasiya edilə və hətta printerdə 3D kimi çap edilə bilər.
Alimlər laboratoriya heyvanlarında sümükləri bərpa etmək üçün uğurla istifadə edərək texnologiyanı sınaqdan keçiriblər.
