Boyukmillet.com Biz yanmasaq vətən yanar
Azərbaycanın Ukraynadakı diaspor fəalları Lvovda Pasxa bayramı ərəfəsində humanitar yardım aksiyası həyata keçiriblər.
Boyukmillet.com AZƏRTAC-a istinadən xəbər verir ki, Birləşmiş Ukrayna Azərbaycanlıları Konqresinin Gənclər və İdman Departamenti və yerli YUNKOR Gənclər İcmasının birgə təşəbbüsü və təşkilatçılığı ilə Lvovda Pasxa bayramı münasibətilə əsgərlərə, hərbçilərə humanitar yardım göstərib.
Birləşmiş Ukrayna Azərbaycanlıları Konqresinin Gənclər və İdman departamentinin rəhbəri Şəhriyar Məhərrəmov AZƏRTAC-a bildirib ki, Azərbaycan Prezidenti İlham Əliyevin diqqəti nəticəsində dövlətimiz bu çətin günlərdə Ukraynaya humanitar yardımlarını davam etdirir.
“Azərbaycanın Ukraynadakı diasporu da dövlətimizin siyasətinə uyğun olaraq humanitar aksiyaları davam etdirir. Bütün bunlar dövlətimizin humanist siyasətinə sadiqliyini bir daha sübut edir”, – deyə Şəhriyar Məhərrəmov vurğulayıb.
