Boyukmillet.com Biz yanmasaq vətən yanar
Braziliyanın quru qüvvələri ölkənin hava hücumundan müdafiə sistemlərinin sürətlə gücləndirilməsi və öz PUA donanmasının yaradılmasına başlayıb.
Boyukmillet.com xəbər verir ki, məlumatı CNN Brasil braziliyalı general Tomas Paivaya istinadən yayıb. Bildirilir ki, ABŞ-ın Venesuelaya qarşı təcavüzündən sonra Prezident Luiz İnasio Lula da Silva silahlı qüvvələrin rəhbərliyi ilə görüş keçirib. Paiva öz hesabatında ölkənin müdafiə qabiliyyətindəki “strateji zəiflikləri” vurğulayıb. Hərbi lider orta və uzun mənzilli hava hücumundan müdafiə sistemlərinin təkmilləşdirilməsinin, helikopter donanmasının modernləşdirilməsinin və kəşfiyyat və hücum dronlarının alınmasının vacibliyini vurğulayıb.
Görüş zamanı Braziliyanın müdafiə naziri Xose Musio Monteyro qeyd edib ki, Amazonda Venesuela ilə şimal sərhədinin təhlükəsizliyini təxminən 10.000 əsgər təmin edir. Lakin nazirin sözlərinə görə, qoşunların texniki təchizatı yeni təhdidlər nəzərə alınmaqla yenidən nəzərdən keçirilməlidir.
