Boyukmillet.com Biz yanmasaq vətən yanar
Rusiya prezidenti Vladimir Putin bu gün doğum gününü qeyd edir.
Boyukmillet.com-un xəbərinə görə, bu gün onun 65 yaşı tamam olur.
Vladimir Putin 1952-ci ildə, Sankt-Peterburqda (Leninqrad) anadan olub. Leninqrad Dövlət Universitetinin hüquq fakültəsini bitirib. 1975-ci ildən SSRİ DTK-də xidmətə başlayıb. Bir müddət Almaniyada işləyib. 1989-cu ildə istefaya çıxaraq Leninqrada Dövlət Universitetinin prorektoru Anatoli Sobçakın köməkçisi işləyib.
Vladimir Putin Rusiya Federasiyası Hökumətinin Sədri, Rusiya Federasiyasının sayca ikinci prezidenti olub. Rusiya Dövlət Dumasına 2007-ci il seçkiləri zamanı V.Putin Vahid Rusiya Partiyasının seçki siyahısına rəhbərlik edib. 2008-ci ilin may ayından Vahid Rusiya Partiyasının sədridir.
2012-ci il martın 4-də Rusiya Federasiyasının yenidən prezidenti seçilib.
Rusiya dövlət başçısı idman həvəskarıdır,cüdo ilə məşğul olub.
