Digər ölkələr

Yunanıstanın Baş naziri Kiriakos Mitsotakis və Türkiyə Prezidenti Rəcəb Tayyib Ərdoğan dekabrın 7-də Afinada görüşəcəklər. Boyukmillet.com Yunanıstanın dövlət televiziyası olan ERT-yə istinadən xəbər verir ki, liderlər iki ölkə arasında Yüksək Əməkdaşlıq Şurasının beşinci iclasına sədrlik edəcəklər. Tərəflərin ən azı 20 saziş imzalayacaqları gözlənilir. Məlumata görə, miqrasiya ilə bağlı sənəd də onların arasındadır. Türkiyə diplomatik mənbələrinin məlumatına görə, Ərdoğanı səfərdə 7 …

Qlobal siyasi arenada görünməmiş dəyişikliklərlə əlaqədar beynəlxalq ictimaiyyət həmrəylik nümayiş etdirməli və çoxtərəfli əməkdaşlığı gücləndirmək üçün tədbirlər görməlidir. Boyukmillet.com xəbər verir ki, bu fikirlər Çin Xalq Respublikasının (ÇXR) Sədri Si Cinpinin “İmperial Springs 2023” beynəlxalq forumunun iştirakçılarına müraciətində yer alıb. Onun sözlərinə görə, görünməmiş və epoxal dəyişikliklər qarşısında bəşəriyyət birləşməli, daim təcrübə mübadiləsi aparmalı, tolerantlığı və açıqlığı qorumalı, qarşılıqlı faydalı …

Türkiyə Prezidenti Rəcəb Tayyib Ərdoğan bu gün, dekabrın 4-də Qətərə gedir. Boyukmillet.com “TRT Haber”ə istinadən xəbər verir ki, o, günortadan sonra Qətərin paytaxtı Dohada olacaq. R.T.Ərdoğan Qətər əmiri Şeyx Təmim bin Hamed Əl Sani ilə görüşəcək. Tərəflər ikitərəfli və regional məsələləri müzakirə edəcəklər. Onların, həmçinin Yaxın Şərqdəki durum barədə danışacaqları gözlənilir. Səfər iki gün davam edəcək.

Rusiya hərbçiləri ilk dəfə Amerika istehsalı olan “Bradley” piyada döyüş maşınını qənimət kimi götürüb. Boyukmillet.com  xəbər verir ki, bu barədə Rusiya mətbuatı məlumat yayıb. Qeyd olunub ki, piyadaların döyüş maşını Ukrayna Silahlı Qüvvələrinin 47-ci mexanikləşdirilmiş briqadasına məxsus olub. Yayın əvvəlindən bölmə əvvəlcə Zaporojye istiqamətində, sonra isə Avdevka yaxınlığında 40-dan çox oxşar texnikanı itirib.

Qəzza zolağında Fələstinin HƏMAS radikal qruplaşması ilə döyüşlərdə İsrail Ordusunun daha iki hərbçisi vəfat edib. Boyukmillet.com xəbər verir ki, bu barədə “Times of Israel” qəzeti İsrail Müdafiə Qüvvələrinə istinadən məlumat yayıb. Qeyd olunub ki, İsrail Ordusunda ölən hərbçilərin ümumi sayı 398-ə çatıb. Hərbçilərin böyük əksəriyyəti yaraqlıların İsrail ərazisinə hücumunun ilk günündə, ölkənin cənubunda HƏMAS qüvvələri ilə döyüşlərdə həlak olub.

Çin Respublikası – Tayvanın hərbi qurumu ABŞ ilə qırıcı raketlərin tədarükü üçün ümumi dəyəri təxminən 26,69 milyard Yeni Tayvan dolları (təxminən 853,8 milyon ABŞ dolları) olan iki müqavilə imzaladığını elan edib. Boyukmillet.com xəbər verir ki, bu barədə TASS məlumat yayıb. 17,22 milyard Yeni Tayvan dolları (təxminən 550,9 milyon ABŞ dolları) dəyərində olan müqavilələrdən birincisi noyabrın 13-də imzalanıb və “hava-hava” və “hava-yer” …

“Başda ABŞ olmaqla bir çox Qərb dövlətləri Türkiyə ilə Yunanıstan arasında gərginliyin artmasına çalışır”. Boyukmillet.com-un xəbərinə görə, bu barədə Türkiyə Prezidenti Rəcəb Tayyib Ərdoğan Dubayda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyasından qayıdarkən jurnalistlərə müsahibəsində deyib. O bildirib ki, ABŞ pulunun ödənilməsinə baxmayaraq, hələ də Türkiyəyə F-16 qırıcı təyyarələrini vermir: “Amma Yunanıstana bu qırıcılar göndərilir. Biz …

İsrail Müdafiə Ordusu oktyabrın 7-də İsrailə hücum zamanı HƏMAS tərəfindən əsir götürülən 4 girovun öldüyünü təsdiqləyib. Boyukmillet.com xəbər verir ki, bu barədə İsrail ordusunun sözçüsü Daniel Xaqari bildirib. Həmin şəxslərin adları açıqlanıb: Eliyahu Marqalit, Mia Qoren, Ronen Enqel və Arye Zalmanoviç. D.Xaqari bildirib ki, onların ailələrinə artıq məlumat verilib. Lakin İsrail ordusunun nümayəndəsi girovların necə və nə vaxt öldüyünü açıqlamayıb.

Almaniyanın silah konserni olan “Rheinmetall AG” şirkəti 2024-cü ildə Ukraynada ilk zirehli texnika istehsal etmək niyyətindədir. Boyukmillet.com xəbər verir ki, bu barədə şirkətin rəhbəri Armin Papperqer bildirib. “Müqavilə imzalandıqdan sonra biz ilk “Fuchs”u 6-7 ay ərzində, “Lynx”i isə 12-13 ay ərzində istehsalını başa çatdırmaq istəyirik”, – o qeyd edib.

ABŞ, Avropa İttifaqı və Böyük Britaniya Rusiyaya qarşı tətbiq etdiyi sanksiyalara görə Liberiya, Marşal adaları və Panamaya təzyiq göstərir. Boyukmillet.com xəbər verir ki, bu barədə “Reuters” mənbəyə istinadən məlumat yayıb. Üç dövlətə göndərilən məktubda Rusiya neftinin qiymətinə qoyulan məhdudiyyətlərdən yayınma hallarının sayının artması ilə bağlı xəbərdarlıqlar və üç ölkədən dəniz nəqliyyatına nəzarətin gücləndirilməsi tələbi yer alıb. Hazırda üç ölkənin səfirlikləri …