Region

NATO Gürcüstana Aralıq dənizində təhlükəsizlik üzrə əməliyyatlarda tərəfdaş statusu verib. Boyukmillet.com-un xəbərinə görə, bu barədə Gürcüstan Daxili İşlər Nazirliyinin sərhəd polisinin rəisi, general-mayor Nikoloz Şaradze Potidə Sahil Mühafizəsi Xidmətinin yaradılmasının 24-cü ildönümü münasibətilə keçirilən tədbirdə bildirib. Şaradzenin sözlərinə görə, bu qərar alyans tərəfindən Gürcüstan sahil mühafizəsinin taktiki bölmələri NATO-nun 4 illik qiymətləndirmə proqramını uğurla keçdikdən sonra qəbul edilib.

Türkiyə təhlükəsizlik qüvvələri Suriyanın şimalında PKK/YPG-nin 4 üzvünü zərərsizləşdirib. Boyukmillet.com xəbər verir ki, bu barədə Türkiyə Milli Müdafiə Nazirliyinin məlumatında deyilir. Məlumata görə, terrorçular Türkiyə Silahlı Qüvvələrinin “Fərat Qalxanı”nın antiterror əməliyyatı zonasında silahlı döyüş əməliyyatı hazırlayırmış. Nazirlik əlavə edib ki, Türkiyə ordusu Suriyanın şimalında fəaliyyət göstərən terrorçulara qarşı qabaqlayıcı əməliyyatları davam etdirir.

Türkiyə-Ermənistan sərhədinin minalardan təmizlənməsinə başlanılıb. Boyukmillet.com xəbər verir ki, bu barədə “gazeteKars” məlumat yayıb. Bildirilib ki, Türkiyə-Ermənistan sərhədinin minalardan təmizlənməsini İsrail şirkət həyata keçirir. Qeyd edilib ki, Qars əyalətinin Hakyaka rayonunun İbiş kəndində 20 gündür minalardan təmizləmə işləri görülür. Məlumata görə, gündəlikdə duran əsas məsələ “Doğukapı” sərhəd-keçid məntəqəsinin, “Alican” avtomobil və dəmir yolunun açılmasıdır. Rəsmi qurumlara məsələni şərh etməyib.

İranda məcburi hicaba qarşı “Hicabsız hicab” şüarı altında kampaniya başlayıb. Boyukmillet.com xəbər verir ki, məlumatı “İran İnternational” yayıb. Kampaniya ölkənin müxtəlif şəhərlərində dəstəklənib. Vətəndaşlar bununla məcburi hicab geyinməyə və hakimiyyətin zorakılıqlarına etiraz etdiklərini bildiriblər. İranın daxili işlər naziri Əhməd Vahidi məsələ ilə bağlı deyib ki, iffət və hicab kimi məsələləri danışıq və öyüd-nəsihətlə həll etmək mümkündür. Onun sözlərinə görə, hicaba nəzarət …

“Ukraynada hərbi əməliyyatlar başlayandan bəri Rusiya Silahlı Qüvvələrinin 37 570 hərbçisi məhv edilib”. Boyukmillet.com xəbər verir ki, bu barədə Ukrayna Silahlı Qüvvələri Baş Qərargahının məlumatında deyilir. Qeyd olunub ki, Ukrayna Silahlı Qüvvələri son sutka ərzində isə 100 rusiyalı hərbçini məhv edib. Məlumata görə, Rusiya Silahlı Qüvvələrinin digər döyüş itkiləri 1 649 tank, 3 832 zirehli döyüş maşını, 839 artilleriya sistemi, 247 …

Son 4 gündə Ukraynanın 16 ticarət gəmisi Bistre məshəbinin kanalından keçib. Onlar taxılla yüklənməni gözləyirlər. Boyukmillet.com xəbər verir ki, bu barədə ölkənin İnfrastruktur Nazirliyinin mətbuat xidməti məlumat yayıb. Bildirilib ki, Bistrenin məshəbindən Ukraynanın Dunay limanlarına (“İzmail”, “Reni” və “Ust-Dunaysk”) keçid İlan adasının işğaldan azad edilməsi sayəsində mümkün olub. Əvvəllər Ukraynanın Dunay limanlarında yük daşıyan gəmilər yeganə yoldan – Rumıniyada yerləşən …

Azərbaycanın Şəmkir, Ağstafa, Göygöl və Daşkəsən şəhərləri Gürcüstanın müvafiq olaraq Marneuli, Qardabani, Bolnisi və Dmanisi şəhərləri ilə qardaşlaşacaq. Şəhərlərin qardaşlaşmasına dair Anlaşma Memorandumları iyulun 13-də səfirliyin təşkilatçılığı ilə Kvemo Kartli regionunun qubernatoru Giorgi Doxturişvilinin rəhbərlik etdiyi nümayəndə heyətinin Azərbaycana səfəri çərçivəsində imzalanacaq. Nümayəndə heyətinə qubernatorun müavinləri, həmçinin Kvemo Kartlinin Rustavi, Bolnisi, Qardabani, Dmanisi, Tetritskaro, Marneuli və Tsalka şəhərlərinin merləri, o cümlədən …

Rusiya və Türkiyə nümayəndələri arasında yüksək səviyyəli görüşün tarixi məlum olub. Boyukmillet.com xəbər verir ki, bu barədə “Röyters” məlumat yayıb. Bildirilib ki, görüş İstanbulda keçiriləcək. Nümayəndələr Ukraynadan taxıl ixracı problemini müzakirə edəcəklər.

İyulun 19-da İranda Türkiyə Prezidenti Rəcəb Tayyib Ərdoğanla rusiyalı həmkarı Vladimir Putinin görüşəcəyi gözlənilir. Boyukmillet.com xəbər ki, bu barədə “CNN Türk” məlumat yayıb. Qeyd edək ki, daha əvvəl hər 2 liderin eyni gündə İrana gedəcəyi xəbəri yayılmışdı.

Rusiyada ilk dəfə meymunçiçəyinə yoluxma faktı qeydə alınıb. Boyukmillet.com  TASS-a istinadən xəbər verir ki, bu barədə Rusiyanın İstehlakçı Hüquqlarının Müdafiəsi və İnsan Rifahı Sahəsində Nəzarət üzrə Federal Xidməti məlumat yayıb. Qeyd olunub ki, meymunçiçəyinə Avropadan səfərdən qayıdan bir nəfərdə aşkarlanıb.