Cevdet Yılmaz: “ŞKTC dünya ilə əlaqəsini kəsmək cəhdləri baş tutmayacaq”

“Şimali Kipr Türk Cümhuriyyətinin (ŞKTC) dünya ilə əlaqəsini kəsmək cəhdləri baş tutmayacaq, inteqrasiya davam edəcək”.

Boyukmillet.com xəbər verir ki, bunu ŞKTC-də səfərdə olan Türkiyənin vitse-prezidenti Cevdet Yılmaz deyib.

“Yəqin ki, ŞKTC-ni bütün dünya ilə əlaqəsini kəsməyə çalışanlar var, amma onlar uğur qazana bilməyəcəklər, bir qapı bağlansa, yenilərini açacağıq. ŞKTC və Kipr türkləri dünya ilə inteqrasiyanı davam etdirəcək”, – deyə o, adanın şimal hissəsindəki Ercan hava limanında jurnalistlərə bildirib. Yılmazın bəyanatı TRT telekanalı tərəfindən yayımlanıb.

Yılmazın sözlərinə görə, ŞKTC müstəqil və suveren bir dövlət olaraq inkişafını davam etdirir və Türkiyə Kipr türklərinin inkişaf və tərəqqi uğrunda mübarizəsində dəstək verir. O, cari təmaslar zamanı “kabel elektrik şəbəkələri, suvarma, nəqliyyat, səhiyyə və təhsil sahələrində birgə layihələrin” həyata keçirilməsi perspektivlərini müzakirə edəcəyini bildirib.

Yılmaz qeyd edib ki, 2023-cü ildə istifadəyə verilən yeni Ercan Hava Limanı binası bu qarşılıqlı əlaqənin simvoluna çevrilib. Eyni zamanda, Türk Hava Yolları yeni terminalın açılışı ilə Kipr istiqamətində uçuşların sayının 35% artdığını və bu sahənin inkişafını davam etdirəcəyini bildirib.

Yılmaz bir günlük səfəri zamanı ŞKTC rəhbəri Ersin Tatar ilə danışıqlar aparacaq, həmçinin adada ən böyük məscidi açıb yerli sakinlərlə ünsiyyət quracaq.