Boyukmillet.com Biz yanmasaq vətən yanar
Koronavirus pandemiyasının yaratmış olduğu çətinliklərin aradan qaldırılması istiqamətində diaspor təşkilatlarımız tərəfindən fəallıq göstərilməkdədir. Mahaçqala azərbaycanlıları milli muxtariyyətinin sədri, Rusiya Azərbaycanlıları İttifaqının nümayəndəsi Rakif Əzizovun təşkilatçılığı ilə Dağıstan Respublikasında soydaşlarımıza yardım göstərilibdir. Rakif Əzizov boyukmillet.com-a verdiyi açıqlamada bildirir ki, Rusiya-Azərbaycan sərhəddində vətənə gəlməyi gözləyən vətəndaşlarımıza ərzaq yardımının, səhhətində problem yaranan bir neçə şəxsə xəsəxanada tibbi yardımın göstərilməsinə dəstək olublar. O, həmçinin son bir ayda Rusiyada vəfat etmiş bir neçə soydaşımızın vətənə göndərilməsi məsələlərində yaxından təşkilatçılıq etdiklərini qeyd edib.
