İnterpolun axtardığı azərbaycanlı Batumidə saxlanıldı

Gürcüstan Daxili İşlər Nazirliyinin Mərkəzi Kriminal Polis Departamentinin Acarıstan Baş İdarəsinin əməkdaşları İnterpolun qırmızı bülleteni ilə beynəlxalq axtarışda olan Azərbaycan vətəndaşını Batumidə saxlayıblar.

Bu barədə Gürcüstan Daxili İşlər Nazirliyi məlumat yayıb.

Məlumata görə, həmin şəxs Azərbaycanın hüquq-mühafizə orqanlarının sorğusu əsasında ağır cinayətlər törətməkdə ittiham olunaraq beynəlxalq axtarışa verilmişdi./KONKRET.az