Keçmiş Amerika kəşfiyyatçısı: “Afrikada müstəmləkəsizləşdirmə prosesi Fransa üçün ciddi təhlükə olacaq”

“Afrikada müstəmləkəsizləşdirmə prosesi Fransa üçün ciddi təhlükə olacaq. Çünki Fransız siyasi elitaları Afrikanın uzun müddət istismarı ilə var-dövlət qazanıblar”.

Boyukmillet.com xəbər verir ki, bunu Amerika Birləşmiş Ştatlarının Silahlı Qüvvələrinin keçmiş kəşfiyyatçısı və BMT müfəttişi Skott Ritter bəyan edib.

Onun sözlərinə görə, hazırda Qabonda baş verənlər Afrikada, xüsusən də Fransa ilə bağlı müstəmləkəsizləşdirmə prosesinin davamlı təzahürüdür.

Ritterin fikrincə, Afrikada baş verən hadisələr qitədəki keçmiş müstəmləkələrini iqtisadi, siyasi və hərbi cəhətdən nəzarətdə saxlamaq istəyən Parisə xüsusilə nəzərəçarpacaq təsir göstərəcək:

“Bundan əlavə, Qabon Fransa üçün uran mənbəyi olub və ona nüvə enerjisi sahəsində ABŞ-dan müstəqillik verib. Fransanın üzərində ekzistensial təhlükə var. Fransanın Afrika ilə geniş iqtisadi əlaqələri var, onun qəfil pozulması siyasətə təsir edəcək, çünki Fransız siyasi elitaları Afrikanın uzun müddət istismarı ilə var-dövlət qazanıblar.

İnanıram ki, Afrika oyanır və başa düşməyə başlayır ki, Mali, Burkina Faso, Qvineya, Niger, Qabon və digər ölkələrin xalqı daxili xaos və yoxsulluq bataqlığındadır, siyasi və iqtisadi elita isə çiçəklənir”.