Boyukmillet.com Biz yanmasaq vətən yanar
Boyukmillet.com məlumatına görə Fevralın 3-də Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu 2020-ci ilin birinci yarısı üçün elan etdiyi müsabiqə çərçivəsində qəzetlərə maliyyə yardımının göstərilməsi ilə bağlı qərar qəbul edib.
Maliyyə yardımı ayrılan qəzetlər arasında Azərbaycan və rus dillərində çıxan “Kaspi” və “Kaspiy” qəzetlərinin adı yoxdur. Hər iki qəzetin kollektivi bununla əlaqədar Azərbaycan Respublikasının Prezidenti İlham Əliyevə müraciət ünvanlayıb.Müraciətdə “Kaspi”nin tarixi qəzet olduğu, geniş oxucu kütləsinə və 26 nəfər işçiyə, müəlliflərə, internet resurslarına sahib olduğu vurğulanır. Qəzetin dövlət tərəfindən maliyyələşdirilməsinin davam etdirilməsi xahiş edilir.
