Milli Məclisin iclası başlayıb – gündəlikdə 28 məsələ var

Milli Məclisin növbədənkənar sessiyasının sonuncu plenar iclası öz işinə başlayıb. Spiker Oqtay Əsədov bildirdi ki, iclasın gündəliyinə 28 məsələ daxildir. Bu sırada ikinci və üçüncü oxunuşlar, həmçinin imzalanmış sənədlərin təsdiqi də var.

Qeyd edək ki, bu gün növbədənkənar sessiyanın son iclası keçiilir. Bundan sonra deputatlar tətilə çıxacaq. Parlamentin üzvləri iyulun 15-dən avqust ayının 30-dək istirahətdə olacaqlar.

Xatırladaq ki, parlamentin yaz sessiyası fevralın 1-də başlayıb və mayın 31-dək davam edib. İyun-iyul aylarında qanunverici orqanın növbədənkənar sessiyası çağırılıb. Növbədənkənar sessiya çərçivəsində 5 plenar iclas keçirilib.