Boyukmillet.com Biz yanmasaq vətən yanar
Bu ilin oktyabr ayında Naxçıvan şəhərində 16 yaşadək şahmatçılar arasında Ümumdünya Şahmat Olimpiadası keçiriləcək.
Boyukmillet.com-un Naxçıvan bürosu xəbər verir ki, olimpiada muxtar respublikanın Gənclər və İdman Nazirliyi və Şahmat Federasiyasının birgə təşkilatçılığı ilə baş tutacaq.
Qeyd edək ki, fevralın 1-də Naxçıvan Muxtar Respublikası Ali Məclisində keçirilən “Naxçıvan Muxtar Respublikasında bədən tərbiyəsi və idmanın hazırkı vəziyyəti və qarşıda duran vəzifələr haqqında” müşavirədə Naxçıvan Muxtar Respublikası Ali Məclisinin Sədri Vasif Talıbov Ümumdünya Şahmat Olimpiadasına hazırlıq işlərinin görülməsi və olimpiadada muxtar respublika şahmatçılarının iştirakını təmin edilməsi barədə Gənclər və İdman Nazirliyinə və Şahmat Federasiyasına müvafiq tapşırıqlar verib.
