Boyukmillet.com Biz yanmasaq vətən yanar
“Bu gün PUA-lardan danışanda hər kəsin ağlına Türkiyə gəlir”.
Boyukmillet.com xəbər verir ki, bunu Türkiyənin sənaye və texnologiya naziri Musfata Varank Bursada İnegöl gənclik mərkəzinin açılışında çıxışı zamanı deyib.
O bildirib ki, AK parti (Ədalət və İnkişaf Partiyası) 21 ildir yeni layihələr üçün çalışır:
“Çünki bizim Rəcəb Tayyib Ərdoğan kimi liderimiz var. Bəzən gecə saat 2-də zəng edə, “filan işin axırı necə oldu?” deyə soruşa bilər. Biz xidmətlərimizi davam etdirmək istəyirik”.
M.Varank qeyd edib ki, bugünkü tədbirə yerli “Togg” avtomobili ilə gəlib:
“Halbuki müxalifət buna inanmırdı. Qarşımızda dünyadan xəbərsiz müxalifət var. Müxalifət bizim yerli istehsalımızın artmasından narahatdır. Bizim onlara sərf etməyə vaxtımız yoxdur. Onların dedikləri ilə oturub-dursaydıq bir çox layihələrimiz baş tutmazdı. Mayın 14-dən sonra da yolumuza qətiyyətlə davam edəcəyik. Amma bunun üçün doğru seçim etməliyik. Gəmimizi fırtınalı dənizdə qətiyyətlə davam etdirməliyik. Amma bunun üçün həm də parlamentdə üstünlüyü qorumalıyıq”.
