Cümə , 29 Mart 2024
Drone Cameras

Nazir müavini: “Azərbaycanda fermerlər üçün dövlət xidmətləri rəqəmsallaşdırılır”

“Rəqabətqabiliyyətli kənd təsərrüfatı məhsullarının istehsalı Azərbaycan iqtisadiyyatının inkişafının əsas amillərindən biridir”.

Boyukmillet.com xəbər verir ki, bunu Azərbaycanın kənd təsərrüfatı nazirinin müavini Sarvan Cəfərov Avropa İttifaqının maliyyələşdirdiyi və BMT-nin Ərzaq və Kənd Təsərrüfatı Təşkilatının (FAO) Azərbaycanın Kənd Təsərrüfatı Nazirliyinin dəstəyi ilə həyata keçirdiyi “Aqrar Məsləhət Xidmətlərinin Gücləndirilməsi” layihəsi çərçivəsində Milli Forumda çıxışı zamanı deyib.

Onun sözlərinə görə, aqrar sahədə innovasiyalar mühüm rol oynayır, çünki bu, fermerlər arasında yeni bilik və təcrübənin formalaşmasına kömək edir.

Nazir müavini həmçinin dövlətin fermerlər üçün dövlət xidmətlərinin rəqəmsallaşdırılmasına xüsusi diqqət yetirdiyini əlavə edib.

“Avropa İttifaqı, FAO, Dünya Bankı və digər təşkilatlar layihələrimizin həyata keçirilməsində bizə kömək edir”, – o bildirib.

S.Cəfərov hazırda ölkədə fermerlərin sayının 600 mini ötdüyünü diqqətə çatdırıb.

“FAO ilə birlikdə biz kənd təsərrüfatı sahəsində məsləhət xidmətlərinin gücləndirilməsi layihəsini həyata keçiririk”, – o bildirib.

Check Also

Kənd Təsərrüfatı Nazirliyi kredit və güzəştlərlə bağlı 9 aylıq göstəriciləri açıqlayıb

Bu ilin yanvar-sentyabr aylarında Kənd Təsərrüfatı Nazirliyi 5 473 ədəd kənd təsərrüfatı texnikasının və avadanlığının …