Simonyan Qarabağ ermənilərini tənqid edib

Ermənistan parlamentinin spikeri Dağlıq Qarabağı qarşılıq vermək üçün siyasi qərar qəbul etməməkdə günahlandırır

OC Media yazır ki, parlamentin spikeri Alen Simonyan Dağlıq Qarabağ ermənilərini Azərbaycanın 2023-cü ilin sentyabrında doqquz aylıq blokadadan sonra həyata keçirdiyi son hücum zamanı müqavimət göstərməməkdə günahlandırıb.

Bu açıqlama, özünü Dağlıq Qarabağ ermənisi kimi təqdim edən bir jurnalistin Simonyana evinə nə zaman qayıda biləcəyini soruşmasına cavab olaraq verildi.

“Nə vaxt təhlükəsiz olacaq”, deyə Simonyan cavab verdi və əlavə etdi ki, belə bir zaman yalnız Azərbaycanla sülh müqaviləsi imzalanandan sonra olacaq.

“Siz [Dağlıq Qarabağı] tərk etdiniz, çünki ora təhlükəsiz deyildi. Baxmayaraq ki, qalıb sonuna qədər mübarizə apara bilərdiniz, siz tərk etdiniz”, – Simonyan dedi.

O, eyham vurub ki, Ermənistanın tərk etdiyi “o silahlarla” və “siyasi dəstək”lə mübarizə aparmaq mümkün olardı.

Cavabında jurnalist Simonyana “Dağlıq Qarabağ ermənisinin əslində döyüşmədiyini düşünürmü” sualını verib.

Simonyan deyib ki, “kimsə haqqında ümumi açıqlamalar vermək düzgün deyil, amma mən bunu deyirəm- döyüşmək lazım idi”.

Dağlıq Qarabağın keçmiş dövlət naziri Artyan Berabak “Facebook” səhifəsində yazıb: 

“Hakimiyyət hansı səviyyədə sinizmə sahib olmalıdır ki, bir tərəfdən Dağlıq Qarabağı düşmənə təslim edib Ermənistanın müdaxilə etmədiyini bəyan etsin, digər tərəfdən isə döyüşən, taqətdən düşmüş və sözün əsl mənasında tək qalan xalqı həyasızcasına döyüşməməkdə ittiham etsin”.

Simonyana cavab olaraq müxalifətdəki “Ermənistan Alyansı” fraksiyasından olan deputat Qeqam Maunkyan 2023-cü ilin sentyabr hücumu zamanı həlak olan 260-dan çox insanın adlarının siyahısını yenidən paylaşıb.

Daha sonra müxalifət deputatlarının tənqidi ilə üzləşən Simonyan parlamentin kürsüsündən çıxış edərək fikrinə aydınlıq gətirib və belə vurğulayıb gəldi ki, onun dedikləri “bizə zəng vurub, “gedirik, daha burada qalmayacağıq, gedirik, sərhədi açın, gedirik”” deyənlərə aiddir.

“Etiraf edirik, insanlar var, qəhrəman olub döyüşən insanlar olub, o qəhrəmanlar diasporadan, Ermənistandan, Qarabağdan olub, amma Qarabağda da, Ermənistanda da qaçıb gedən insanlar olub”, – deyə Simonyan çıxışını “boş ölkəni heç bir əsgər müdafiə etmir” deyərək yekunlaşdırıb.

Simonyan “qəhrəmanlıq mübarizəsini alçaldır”

Ertəsi gün Dağlıq Qarabağın sonuncu prezidenti Samvel Şahramanyan Simonyandan açıq şəkildə üzr istəməsini tələb edib.

Şahramanyan, Simonyanın Dağlıq Qarabağ xalqının doqquz aydan artıq davam edən blokada və Azərbaycanın 2023-cü ilin sentyabrında regiona son hücumu zamanı göstərdikləri qəhrəmanlıq mübarizəsini “alçaltmağa çalışdığı” bəyanatları pisləyib.

Şahramanyan israrla bildirib ki, Dağlıq Qarabağ erməniləri “tarixi vətənlərində yaşamağa davam etmək üçün əlindən gələni ediblər” və əlavə edib ki, mübarizə yalnız döyüş meydanında olmayıb.

“Lakin siyasi və diplomatik cəbhələrdə də, müxtəlif vaxtlarda da siyasi və digər məqsədəuyğunluğa əsaslanaraq, Dağlıq Qarabağ və Ermənistan üçün son dərəcə vacib olan məsələlərdə öz fikrini və mövqeyini dəyişən Alen Simonyan ön sıralardadır”, – bəyanatda deyilir.

Şahramanyan həmçinin Simonyanı Dağlıq Qarabağdan olub, sərhədi açmağı xahiş edənlərin adını çəkməyə çağırıb.

Simonyanın cavabı qısa zaman sonra, elə brifinq vaxtı gəldi; bu zaman o, söylədiklərinin siyasi bir bəyanat olduğunu və xalqla əlaqəli olmadığını bildirdi.

“Kimin haqqında danışdığımızı hər kəs çox yaxşı anladı”, – Simonyan dedi. Cavabında isə, Şahramanyana sual ünvanlayaraq, onun regionun əvvəlki rəhbərlərindən fərqli olaraq niyə öz mühafizəçisi ilə Dağlıq Qarabağı tərk edə bildiyini soruşub.

“Ölkə boşalmamalıydı; bu, faciəvi bir şeydir. Mənim dediklərim empatiya doğurmur, amma dediklərim doğrudur”, – Simonyan dedi və yenə də əlavə etdi ki, əgər “Dağlıq Qarabağda erməni qalması” üçün siyasi qərar olsaydı, orada qalmaq və müqavimət göstərmək mümkün ola bilərdi.

Əslən Dağlıq Qarabağdan olan siyasi analitik Tiqran Qriqoryan yazır:

“2023-cü ilin sentyabr ayı şəraitində, Dağlıq Qarabağda qalmaq və döyüşmək eyni nəticə ilə, sadəcə olaraq, mülki əhali də daxil olmaqla, on dəfə çox qurbanlarla başa çatacaqdı.”

Bu danılmaz reallığı nəzərə alsaq, Alen Simonyanın dediklərini başa düşmək olar: qalsaydın, öləcəkdin, niyə narahat suallar verməyə gəldin?”-deyə, Qriqoryan əlavə edib.

Bu yazı ingilis dilindən tərcümə edilmişdir. Yazının əslini OC Mediadan oxuya bilərsiniz.