Boyukmillet.com Biz yanmasaq vətən yanar
“Xocalıda qətlə yetirilən azərbaycanlı qardaşlarımızın ağrısını hələ də ürəyimizdə hiss edirik”.
Boyukmillet.com xəbər verir ki, bu barədə Türkiyə Xarici İşlər Nazirliyinin tviterində yazılıb.
“Onları sayğı ilə yad edirik”, – paylaşımda bildirilib.
Qeyd edək ki, Xocalı soyqırımından 31 il ötür. 1992-ci il fevralın 25-dən 26-na keçən gecə erməni silahlı dəstələri keçmiş sovet ordusunun Xankəndi şəhərində yerləşən 366-cı alayının iştirakı ilə Xocalı şəhərini yerlə-yeksan edib. Erməni təcavüzkarlarının Azərbaycan xalqına qarşı törətdiyi növbəti kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca xüsusi amansızlıqla qətlə yetirilib, 1275 dinc sakin əsir götürülüb, 150 nəfərin taleyi isə hələ də məlum deyil. Bu soyqırımı aktı nəticəsində 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib.
#Hocalı’da katledilen #Azerbaycanlı kardeşlerimizin acısını halen yüreğimizde hissediyor, onları saygıyla yad ediyoruz.
— T.C. Dışişleri Bakanlığı (@TC_Disisleri) February 26, 2023
🇹🇷🇦🇿#TekMilletİkiDevlet pic.twitter.com/yZFhrQSmlz
