Ukrayna və Türkiyə arasında 12 saziş imzalanacaq

Fevralın 3-də Ukrayna və Türkiyə arasında Azad Ticarət Zonası Sazişi də daxil olmaqla 12 dövlətlərarası saziş imzalanacaq.

Boyukmillet.com  “Anadolu”ya istinadən xəbər verir ki, bunu Ukraynanın Baş naziri Denis Şmıxal Nazirlər Kabinetinin iclasında bildirib.

Onun sözlərinə görə, imzalanmış sənədlər iki ölkə arasında həm iqtisadiyyat, həm də yüksək texnologiyalar sahəsində əməkdaşlığı yeni səviyyəyə qaldıracaq.

İclas zamanı Ukrayna hökuməti Türkiyə ilə Azad Ticarət Zonası Sazişinin layihəsini təsdiqləyib.