Boyukmillet.com Biz yanmasaq vətən yanar
Sabir Rüstəmxanlı: “Bu gün yalnız müəllimlərin deyil, bütün ziyalıların günüdür”
5 oktyabr tarixi bütün dünyada Beynəlxalq Müəllimlər Günü kimi qeyd olunur.
Boyukmillet.com-a açıqlama verən xalq şairi Sabir Rüstəmxanlı bu gün münasibəti ilə müəllimlərlə yanaşı, bütün ziyalıları təbrik edib:
“Bildiyiniz kimi, 5 oktyabr bütün dünyada olduğu kimi ölkəmizdə də, müəllimlər günü kimi qeyd edilir. Mən bu gün münasibəti ilə yalnız müəllimləri deyil, bütün ziyalıları təbrik edir, onlara gələcək fəaliyyətlərində uğurlar arzulayıram. Çünki bu gün müəllimlərimizin timsalında həm də ziyalılarımızın günüdür. Hər bir ziyalının formalaşmasında müəllimlərin rolu olduğu kimi, hər bir ziyalı da öz növbəsində bir müəllim hesab edilə bilər.
Müəllimlərin hər bir xalqın, hər bir cəmiyyətin inkişafındakı rolu böyükdür. Çünki hər bir xalqın sabahını, gələcəyini onların təlim-tərbiyə verdiyi insanlar müəyyən edir. Odur ki, müəllimlərin əməyini lazımınca qiymətləndirmək bizim borcumuzdur”.
