Boyukmillet.com Biz yanmasaq vətən yanar
Rusiya ordusu Xarkovun ətrafındakı istilik elektrik stansiyasına (İES) bir neçə dəqiq zərbə endirib.
Boyukmillet.com xəbər verir ki, bu barədə şəhər meri İqor Terexov məlumat verib.
Merin sözlərinə görə, hücum nəticəsində azı bir nəfər həlak olub, yaralananlar var. Zərbələr şəhərin enerji sisteminə ciddi təsir göstərib – gərginlik kəskin şəkildə aşağı düşüb, bu isə istilik təchizatı və şəhər nəqliyyatının fəaliyyətində problemlərə səbəb olub.
Terexov bildirib ki, bəzi rayonlarda elektrik nəqliyyatının işi müvəqqəti olaraq çətinləşib, şəhərdə isə qəza xarakterli elektrik kəsintiləri qrafikləri tətbiq edilib. Kommunal xidmətlər fövqəladə rejimdə işləyir, vəziyyətin sabitləşdirilməsi üçün tədbirlər görülür.
Yerli hakimiyyət orqanları hücumun enerji infrastrukturu üçün ağır nəticələr doğurduğunu qeyd edir. Hadisə Xarkovun qış mövsümündə təhlükəsizliyi və sosial infrastrukturu üçün ciddi risklər yaratdığı kimi qiymətləndirilir.
