Şənbə , 18 Yanvar 2020
Home » Dünya » 18 yaşlı qızı oğurlayan kişi “Ekologiya postu”nda saxlanılıb

18 yaşlı qızı oğurlayan kişi “Ekologiya postu”nda saxlanılıb

“Ekologiya postu”nda adam oğurlayan şəxs saxlanılıb.

“Report”un xəbərinə görə, Saatlı rayon sakini O.Novruzov (ad-soyad şərtidir) hüquq-mühafizə orqanlarına müraciət edərək bildirib ki, qızı 2001-ci il təvəllüdlü T.Novruzovanı (şərtidir) zorla, yəni qızın razılığı olmadan həmyerlisi 1986-ci il təvəllüdlü Ruhid İslamov qaçırıb.

Hadisə Bakı şəhərində qeydə alınıb.

Dərhal aparılan əməliyyat-axtarış nəticəsində müəyyən olunub ki, R.İslamov qızı idarə etdiyi “Hyundai” markalı avtomobillə Bakıdan Sumqayıt istiqamətinə aparıb. R.İslamovun avtomobili “Ekologiya postu”nda saxlanılıb. Qız xilas edilərək ailəsinə təhvil verilib, R.İslamov isə Abşeron Rayon Polis İdarəsinə aparılıb.

Onun barəsində Cinayət Məcəlləsinin 144-cü (adam oğurluğu) maddəsi ilə cinayət işi başlanılıb.

Check Also

Yunis Səfərov sabiq başçını niyə güllələdiyini hamının bilməsini istəyir

Sabunçu Rayon Məhkəməsində sabiq icra başçısını güllələməkdə ittiham olunan Yunis Səfərovun və digərlərinin məhkəməsi başlayıb; …