Boyukmillet.com Biz yanmasaq vətən yanar
Rusiya ordusu Ukraynanın Xarkov vilayətinin Kovşarovka kəndini atəşə tutub.
Boyukmillet.com xəbər verir ki, bu barədə Xarkov vilayətinin rəhbəri Oleq Sinequbov məlumat yayıb.
“Atəş nəticəsində 73, 85 və 90 yaşlı 3 nəfər, o cümlədən hamilə qadın, 14 yaşlı yeniyetmə və 10 yaşlı uşaq xəsarət alıb. Bununla yanaşı, kənddə yataqxana binası, 2 fərdi yaşayış evi və qaz xətti zədələnib”, – vilayət rəhbəri bildirib.
O eyni zamanda qeyd edib ki, Rusiya ordusu Qluşkovka kəndini də atəşə tutublar:
“Orada 60 yaşlı qadın yaralanıb. Yaralılar xəstəxanaya yerləşdirilib”.
