Azərbaycan Qaçqınlar Cəmiyyəti ilə Çağdaş Azərbaycan Kültür Dərnəyi arasında Protokol İmzalandı

Bu gün Azərbaycan Qaçqınlar Cəmiyyətinin ofisində Türkiyənin İzmir şəhərində fəaliyyət göstərən Çağdaş Azərbaycan Kültür Dərnəyinin Başkanı hörmətli Cemal Kerim Mehmethanoğlu və Dərnəyin üzvü İshak bəylə Qərbi Azərbaycan İcması rəhbərliyinin görüşü olmuşdur. Qonaqları səmimi salamlayan Qərbi Azərbaycan İcmasının sədri Əziz Ələkbərli qonaqlara Azərbaycan Qaçqınlar Cəmiyyəti və Qərbi Azərbaycan İcması haqqında ətraflı məlumat vermişdir.

Çağdaş Azərbaycan Kültür Dərnəyinin Başkanı Cemal Kerim Mehmethanoğlu səmimi qəbul üçün təşəkkür etmiş, təmsil etdiyi Dərnək, onun məram və məqsədləri barədə geniş məlumat vermişdir. İştirakçılar təşkilatlarının gördüyü işlər və qarşılarında duran vəzifələr barədə fikir mübadiləsi etmişlər.

Görüşün sonunda Azərbaycan Qaçqınlar Cəmiyyəti ilə Çağdaş Azərbaycan Kültür Dərnəyi arasında “Qardaşlıq və Əməkdaşlıq Protoklu” imzalanmışdır. Sənədləri təşkilatların rəhbərləri Əziz Ələkbərli və Cemal Kerim Mehmethanoğlu imzalamışlar. Sonda xatirə şəkilləri çəkilmişdir.