Boyukmillet.com Biz yanmasaq vətən yanar
BP şirkətinin hasilat və əməliyyatlar üzrə icraçı vitse-prezidenti Qordon Birrel 29-cu Bakı Enerji Həftəsi və Forumunda iştirak etmək üçün Bakıda planlaşdırılmış üçgünlük işgüzar səfərdədir.
Boyukmillet.com xəbər verir ki, Q. Birrelin səfər proqramı sabah Enerji Həftəsinin açılışı ilə başlayır. Bu tədbirdə Q. Birreli BPp-nin Azərbaycan, Gürcüstan və Türkiyə regionu üzrə prezidenti Qəri Counz və şirkətin regional rəhbərliyinin digər üzvləri də qoşulacaqlar.
Builki Enerji Həftəsində BP fəxrlə dünya səviyyəli “Azəri-Çıraq-Günəşli” (AÇG) yatağının 30-illik uğur hekayəsini təqdim edəcək. AÇG-nin əməliyyatçısı olaraq bp bu nəhəng yatağın Azərbaycanın müstəqilliyini dəstəkləyən, xalqın həyatını dəyişdirən və ölkənin dayanıqlı gələcəyini təmin edən bir milli sərvətə çevrilməsində mühüm rol oynayıb.
BP-nin stendində Q. Birrel və Q. Counz AÇG-nin keçdiyi möhtəşəm tarixi yola nəzər salacaq və müxtəlif texnologiyaların köməyi ilə yataqdan maksimum neftverməyə nail olmaq üçün şirkətin hazırda gördüyü işlər haqqında məlumat verəcəklər. Onlar həmçinin BP-nin regiondakı digər layihələri, o cümlədən beş cinahın sonuncusu olan şərq-şimal cinahından bu yaxınlarda hasilata başlamış nəhəng “Şahdəniz” qaz yatağının işlənməsi layihəsi üzrə görülən işlərin hazırkı vəziyyəti ilə bağlı məlumatları bölüşəcəklər.
Səfər çərçivəsində Q. Birrelin həmçinin bir sıra şirkətxarici görüşləri, BP-nin regional rəhbərliyinin üzvləri ilə biznes prioritetlərinin müzakirəsi və yerli televiziya ilə planlaşdırılmış bir müsahibəsi də gözlənilir.
