Boyukmillet.com Biz yanmasaq vətən yanar
Türkiyənin “Qalatasaray” klubu yayda transfer etdiyi islandiyalı futbolçu Kolbeyn Siqtorssonla yollarını ayırıb.
“Report”un “Fanatik”ə istinadən verdiyi məlumata görə, baş məşqçi Yan Olde Rikerink 26 yaşlı futbolçunu komandada görmək istəməyib.
Səbəb futbolçunun yayda İslandiya yığmasının heyətində aldığı zədəni hələ də sağalmamasıdır. Qarşılıqlı razılaşma ilə klubdan ayrılan Siqtorsson “Qalatasaray”dan yalnız 400 min avro alacaq. O, oynamadığı üçün 815 min avrosundan imtina edib.
Qeyd edək ki, Kolbeyn Siqtorsson iyulda Fransanın “Nant” klubundan bir il müddətinə icarəyə götürülüb.
