Ukraynaya “F-16” təyyarələri gətirilib

Zelenski: “Onları ölkəmiz üçün istifadə etməyə başlayan pilotlarla fəxr edirəm”

Ukraynalı pilotlar ölkə daxilində əməliyyatlar üçün “F-16” təyyarələri uçurmağa başlayıb. Ukrayna Prezidenti Volodimir Zelenski avqustun 4-də ABŞ istehsalı olan qırıcıların ölkəsinə gəlişini təsdiqləyib.

Bildirib ki, bu, Rusiyanın işğalından 29 aydan çox müddət keçəndən sonra baş verib, çoxdan gözlənilirdi.

“”F-16”lar Ukraynadadır. Biz bunu bacardıq. Onları ölkəmiz üçün istifadə etməyə başlayan pilotlarla fəxr edirəm”, – Zelenski deyib.

Ukraynanın ali komandiri Oleksandr Syrskyi təyyarələrin gəlişini alqışlayıb və onların təhlükəsizliyini təmin etmək üçün “24/7” işlədiyinə görə Prezidentə və digər rəsmilərə təşəkkür edib.

Onun sözlərinə görə, onların gəlişi Ukrayna əsgərlərinin həyatını xilas edəcək. “Bu, o deməkdir ki, daha çox işğalçı məhv ediləcək”, – Syrskyi “Facebook”-da yazıb.

“Bu, Rusiya cinayətkarlarının Ukrayna şəhərlərinə hücum etmək üçün istifadə etdiyi daha çox sayda vurulmuş raket və təyyarə deməkdir. Təyyarələrin gəlişi Ukrayna üçün əlamətdar hadisədir”.

Təyyarələrin hansı raketlərlə təchiz olunduğu hələ məlum deyil. Hərbi analitiklərin fikrincə, daha uzun məsafəli raket onlara daha çox döyüş meydanında təsir göstərməyə imkan verəcək.