Martın 1-də Türkiyə ilə Hollandiya arasında siyasi gərginlik baş vermişdir. Hollandiya hökuməti Türkiyə dövlətinin rəsmilərinə və vətəndaşlarına qarşı diplomatik rəzalətə imza atmışdır. Məsələ ilə bağlı Beynəlxalq Diaspor Mərkəzinin sədri dr. İsmayıl Ağayev böyükmillet.com-a açıqlamasında Hollandiya rəsmi dairələrinin bu addımını beynəlxalq diplomatik qaydaların kobud şəkildə pozulması kimi qiymətləndirmişdir. O, açıqlamasında bildirib: “Məlum olduğu kimi Hollandiya dünyanın diplomatiya tarixində görünməmiş rəzalətə yol açmışdır. Özünü “demokratiyanın beşiyi” adlandıran Hollandiyada anti-türk əhval-ruhiyyəsinin güclənməsi, milli və dini ayrıseçkilik siyasətinin aparılması bizi də ciddi narahat etməkdədir. Hər addımbaşı Azərbaycana da demokratiya dərsi keçməyə çalışan Avropada insan haqqlarının pozulması, irqçilik meyllərinin güclənməsi hər gün yeni müstəviyə qədəm qoyur. Türkiyəyə və Türkiyə rəsmilərinə qarşı Hollandiyanın anti-demokratik, qeyri-insani hərəkətlərini şiddətlə qınayır və daim Azərbaycan ictimaiyyətinin Türkiyənin yanında olduğunu bildirirəm”.
Check Also
“Əsl millət vəkili necə olmalıdır, istəyirəm onu millətə təqdim edim” – Cahandar Bayoğlu ilə VİDEOMÜSAHİBƏ
22 saylı Nəsimi-Yasamal seçki dairəsindən deputatlığa namizəd Cahandar Cahandaroğlu (Bayoğlu) “Meşə” parkında seçiciləri ilə görüşüb.Boyukmillet.com …