Bazar , 22 Noyabr 2026
Drone Cameras

Gürcüstan azərbaycanlıları “Gürcü Arzusu”nu dəstəkləyib

Gürcüstanın azərbaycanlıların yığcam yaşadıqları bölgələrini əhatə edən Marneuli-Qardabani və Bolnisi-Dmanisi-Tetritskaro-Tsalka seçki dairələri üzrə majoritar namizədlərin ilkin səs faizləri açıqlanıb.

Boyukmillet.com xəbər verir ki, hər iki dairədə Gürcü Arzusu Partiyasının deputatlığa namizədləri 60 %-ə yaxın səs əldə ediblər.

Marneuli-Qardabani dairəsi üzrə namizəd Zaur Darğallının səs göstəricisi 57,87 %, Bolnisi-Dmanisi-Tetritskaro-Tsalka dairəsi üzrə namizəd Qogi Meşvelianinin səs göstəricisi isə 55,85 % təşkil edir.

Marneuli-Qardabani üzrə müxalifətin namizədləri – Vahid Milli Hərəkat Partiyasından Azər Süleymanov 31,62 %, Bolnisi-Dmanisi-Tetritskaro-Tsalka dairəsi üzrə “Vahid Milli Hərəkat – Birləşmiş Müxalifət” seçki blokundan Kaxaber Okriaşvili isə 39,6 % səs qazanıb.

Azərbaycanlıların sıx məskunlaşdığı Kaxeti bölgəsində də iki seçki dairəsi üzrə “Gürcü Arzusu”nun namizədləri David Sonqulaşvili (53,8 %) və İrakli Kadaqişvili (47,16 %) səs çoxluğu əldə ediblər.

Qeyd edək ki, majoritar dairələr üzrə 3 847 seçki məntəqəsinin 1 538-də səslərin hesablanması prosesi yekunlaşıb.

Check Also

Özəl tibb müəssisələri üçün icbari tibbi sığorta müraciətləri elektron qaydada qəbul olunacaq

Yaxın günlərdə özəl tibb müəssisələrində vətəndaşlara icbari tibbi sığorta hesabına xidmət göstərilməsi istiqamətində müraciətlər artıq …